សូមបង្កើនការប្រុងប្រយ័ត្ន! កុមារីកម្ពុជាម្នាក់បានស្លាប់ដោយឆ្លងជំងឺផ្តាសាយបក្សីH5N1
សូមបង្កើនការប្រុងប្រយ័ត្ន! កុមារីកម្ពុជាម្នាក់បានស្លាប់ដោយឆ្លងជំងឺផ្តាសាយបក្សីH5N1
ភ្នំពេញ : តាមរយៈនាយកដ្ឋានប្រយុទ្ធជំងឺឆ្លង ក្រសួងសុខាភិបាល បានរកឃេីញករណីជំងឺផ្តាសាយបក្សី H5N1 លេីកុមារីអាយុ ១១ឆ្នាំ ៦ខែ រស់នៅភូមិ រលាំង ឃុំ រំលេច ស្រុកស៊ីធរកណ្តាល ខេត្តព្រៃវែង។
តាមរយៈសេចក្ដីប្រកាសផ្លូវការរបស់នាយកដ្ឋានប្រយុទ្ធជំងឺឆ្លងបានបញ្ជាក់ថា កុមារីចាប់ផ្តេីមឈឺនៅថ្ងៃទី១៦ ខែកុម្ភៈ ឆ្នាំ២០២៣ ដោយមានរោគសញ្ញាគ្រុនក្តៅ ៣៩អង្សាសេ ព្រមទាំងមានក្អក ឈឺក ។ ក្រោយព្យាបាលនៅមូលដ្ឋានមិនធូរស្រាល ដោយកុមារីចាប់ផ្តេីមហត់ក៏បញ្ជូនព្យាបាលនៅមន្ទីរពេទ្យកុមារជាតិនៅភ្នំពេញ ។
នៅថ្ងៃទី២១ ខែកុម្ភៈ ឆ្នាំ២០២៣ គ្រូពេទ្យព្យាបាលបានយកវត្ថុផ្ញេីមកវិទ្យាស្ថានជាតិសុខភាពសាធារណ: រួចទទួលលទ្ធផល ថ្ងៃទី២២ ខែកុម្ភ: ឆ្នាំ២០២៣ បញ្ជាក់មានវិជ្ជមានមេរោគផ្តាសាយបក្សី H5N1 ចំណែកកុមារីបានបាត់បង់ជីវិតហេីយ និងធ្វេីពិធីបុណ្យសពតាមប្រពៃណីនៅក្នុងភូមិខាងលេី ។
សូមបងប្អូនកុំប៉ះពាល់សត្វឈឺ ឬងាប់ ទាំងសត្វបក្សីស្រុក និងបក្សីព្រៃ ហើយចំពោះ
អ្នកសង្ស័យសូមពិគ្រោះជំងឺជាមួយគ្រូពេទ្យ ឬរាយការណ៍ទៅលេខ ១១៥ ។
