រដ្ឋមន្ត្រីការបរទេសបែហ្សិក៖ ទណ្ឌកម្មបន្ថែមលើអ៊ីរ៉ង់គួរតែដាក់បញ្ចូលក្រុមកងឆ្មាំបដិវត្តន៍
រដ្ឋមន្ត្រីការបរទេសបែហ្សិក៖ ទណ្ឌកម្មបន្ថែមលើអ៊ីរ៉ង់គួរតែដាក់បញ្ចូលក្រុមកងឆ្មាំបដិវត្តន៍
បរទេស៖ រដ្ឋមន្ត្រីការបរទេសបែលហ្ស៊ិកបាននិយាយថា ការដាក់ទណ្ឌកម្មថ្មីរបស់សហភាពអឺរ៉ុបប្រឆាំងនឹងអ៊ីរ៉ង់ជាការឆ្លើយតបទៅនឹងការវាយប្រហារនាពេលថ្មីៗនេះរបស់ប្រទេសនេះទៅលើអ៊ីស្រាអែល គួរតែដាក់បញ្ចូលកងឆ្មាំបដិវត្តន៍ (IRGC) ផងដែរ។
ថ្លែងទៅកាន់អ្នកសារព័ត៌មានមុនកិច្ចប្រជុំជាមួយរដ្ឋមន្ត្រីសហភាពអឺរ៉ុប លោកស្រី Hadja Lahbib បាននិយាយថា នឹងមានកិច្ចពិភាក្សាលើមូលដ្ឋានច្បាប់សម្រាប់ការបន្ថែមកងកម្លាំងប្រដាប់អាវុធរបស់អ៊ីរ៉ង់ទៅក្នុងបញ្ជីអង្គការភេរវករ។
លោកស្រី Lahbib បាននិយាយថា “យើងនឹងពិភាក្សាវាជាមួយគ្នា” ។ “ខ្ញុំក៏គិតដែរថា យើងត្រូវពង្រីកទណ្ឌកម្មប្រឆាំងនឹងអ្នកតាំងលំនៅដោយហិង្សា នៅប៉ាឡេស្ទីន និង West Bank)។ យើងត្រូវតែមានតុល្យភាព និងធ្វើឱ្យប្រាកដថា យើងនឹងមិនត្រូវបានចោទប្រកាន់ពីបទមានស្តង់ដារពីរ”។
កងឆ្មាំបដិវត្តន៍ (IRGC)តាមរយៈកម្លាំង Quds របស់ខ្លួន គឺជាដៃគូជិតស្និទ្ធរបស់សត្រូវរបស់អ៊ីស្រាអែល៖ ហេសបូឡា និងហាម៉ាស។
ការកំណត់ កងឆ្មាំបដិវត្តន៍ (IRGC)ជាអង្គការភេរវករនឹងធ្វើឱ្យពួកគេក្លាយជាទីភ្នាក់ងាររដ្ឋដំបូងគេដែលត្រូវបានចាត់ថ្នាក់ ហើយដាក់ពួកគេឱ្យស្ថិតក្នុងប្រភេទដូចគ្នាជាមួយនឹងក្រុមដូចជា ISIS, al Qaeda និង Hamas ៕
