ស្វែងយល់ពីផលិតផលនាំចេញ-នាំចូល ដែលមានសារៈសំខាន់ដល់ការអភិវឌ្ឍសេដ្ឋកិច្ចជាតិ
ស្វែងយល់ពីផលិតផលនាំចេញ-នាំចូល ដែលមានសារៈសំខាន់ដល់ការអភិវឌ្ឍសេដ្ឋកិច្ចជាតិ
ជាការពិត ដើម្បីឱ្យសេដ្ឋកិច្ចប្រទេសមួយមានចរន្ដល្អ គឺត្រូវមានទំនាក់ទំនងពាណិជ្ជកម្មជាមួយប្រទេសដទៃទៀតលើសកលលោក ដែលទំនាក់ទំនងទាំងនោះអាចធ្វើទៅបានតាមរយៈរូបភាព ដោះដូរទំនិញគ្នាទៅវិញទៅមក ដើម្បីផ្គត់ផ្គង់ការប្រើប្រាស់ក្នុងប្រទេសរៀងៗខ្លួន។
សម្រាប់កម្ពុជា ផលិតផលធំៗដែលនាំចេញទៅកាន់ទីផ្សារពិភពលោករួមមានដូចជាៈ ផលិតផលសម្លៀកបំពាក់ និងវិស័យកាត់ដេរនៅតែឈានមុខគេក្នុងចំណោមទំនិញនាំចេញទាំងអស់។ តម្រូវការផលិតផលស្បែកជើងភាគច្រើនគឺពេញនិយមបញ្ជាទិញពីប្រទេសលោកខាងលិច ជាពិសេសសហរដ្ឋអាមេរិក។
សហភាពអឺរ៉ុបបានធ្វើឱ្យផលិតកម្មស្បែកជើងមានការកើនឡើងនៅប្រទេសកម្ពុជាផងដែរ ដោយបានបង្កើតរោងចក្រជាច្រើន នឹងបង្កើតការងារដល់ប្រជាជនរាប់ពាន់នាក់ទៀតផង។
សម្ភារៈធ្វើដំណើរ៖ សម្ភារៈធ្វើដំណើរសំខាន់ៗសម្រាប់នាំចេញមានដូចជា កាបូបស្ពាយ វ៉ាលី កាបូបយួរ និងកាបូបលុយជាដើម។ ការនាំចេញសម្ភារៈធ្វើដំណើរមានការកើនឡើងខ្លាំងគួរឱ្យកត់សម្គាល់ ដែលកំណើននៃការនាំចេញនេះផងដែរ បានមកពីការខិតខំប្រឹងប្រែងរបស់ក្រសួងពាក់ព័ន្ធ ព្រមទាំងសមាគមរោងចក្រកាត់ដេរនៅកម្ពុជា ក្នុងការស្នើឱ្យមានការអនុគ្រោះពន្ធទៅប្រទេសធំៗជាដើម។
ទិន្នផលកសិកម្ម៖ ទោះបីមានការកើនឡើងនៃវិស័យផលិតកម្ម ឧស្សាហកម្មក៏ដោយ ក៏វិស័យកសិកម្មនៅតែជាសសរទ្រូងរបស់ប្រទេសកម្ពុជាដែរ។ ទិន្នផលកសិកម្មចម្បងៗនោះរួមមាន ផលិតផលអង្ករ កៅស៊ូក្រេប បន្លែ ផ្លែឈើជាដើម។ រីឯផលិតផលដែលមានការកើនឡើងខ្ពស់នោះគឺ កៅស៊ូក្រេប។
សម្រាប់ការនាំចូលរួមមានៈ
វាយនភ័ណ្ឌ៖ ឧស្សាហកម្មវាយនភ័ណ្ឌដូចជាការកាត់ដេរក្រណាត់ជាដើម មានបរិមាណធំជាងគេ។ ការនាំចូលនេះមានសារៈសំខាន់ណាស់ក្នុងការជំរុញកំណើនសេដ្ឋកិច្ចកម្ពុជា ដែលភាគច្រើនការនាំចូលវត្ថុធាតុដើមពីប្រទេសចិន វៀតណាម ហុងកុងនិងតៃវ៉ាន់។
គ្រឿងអេឡិចត្រូនិច និងសម្ភារៈអគ្គិសនី៖ មុខទំនិញសំខាន់ៗដែលកម្ពុជាបាននាំចូលរួមមាន ឧបករណ៍បញ្ជូនសម្រាប់វិទ្យុ ទូរស័ព្ទនិងទូរទស្សន៍ ខ្សែភ្លើងអ៊ីសូឡង់ និងឧបករណ៍បំលែងអគ្គិសនីជាដើម។
រថយន្ត៖ ប្រទេសកម្ពុជាកំពុងតែវិវត្តន៍ខ្លួនទៅមុខ និងមានការអភិវឌ្ឍផ្នែកសេដ្ឋកិច្ច ដែលមានន័យថាប្រជាជនកម្ពុជាក៏មានលទ្ធភាពក្នុងការទិញសម្ភារៈទំនើបៗផងដែរ ហេតុនេះហើយទើបតម្រូវការរថយន្តមានការកើនឡើង៕
