គ.ជ.ប ប្រកាសលទ្ធផលបណ្តោះអាសន្ន ដែលគណបក្សប្រជាជនកម្ពុជាទទួលបានការគាំទ្រយ៉ាងលើសលប់
គ.ជ.ប ប្រកាសលទ្ធផលបណ្តោះអាសន្ន ដែលគណបក្សប្រជាជនកម្ពុជាទទួលបានការគាំទ្រយ៉ាងលើសលប់
ភ្នំពេញ : លទ្ធផលបណ្តោះអាសន្ននៃការបោះឆ្នោតតំណាងរាស្ត្រ នីតិកាលទី៧ កាលពីថ្ងៃទី២៣ ខែកក្កដា ឆ្នាំ២០២៣ត្រូវបានគណកម្មាធិការជាតិរៀបចំការបោះឆ្នោត (គ.ជ.ប) បង្ហាញថា គណបក្សប្រជាជនកម្ពុជា ទទួលការគាំទ្រចំនួន ៦,៣៩៨,៣១១ សំឡេង និង គណបក្សហ៊្វុនស៊ិនប៉ិច ទទួលការគាំទ្រ ៧១៦,៤៩០ សំឡេង។ នេះបើតាមតារាងបិទផ្សាយរបស់ គ.ជ.ប នៅថ្ងៃទី០១ ខែសីហា ឆ្នាំ២០២៣ នេះ ។
តាមការគណនាក្រៅផ្លូវការ លើទិន្នន័យខាងលើនេះបានបង្ហាញថា គណបក្សប្រជាជនកម្ពុជា ទទួលបាន ១២០ អាសនៈ និងគណបក្សហ៊្វុនស៊ិនប៉ិច ទទួលបាន ៥ អាសនៈ ស្ថិតនៅក្នុង ភ្នំពេញ ១, កណ្តាល ១, កំពង់ធំ ១, ព្រៃវែង ១, និងកំពង់ចាម ១។ ក្រៅពីនោះ គណបក្សប្រជាជនកម្ពុជា។
បើតាម គ.ជ.ប ការបោះឆ្នោតជ្រើសតាំងតំណាងរាស្ត្រនីតីកាលទី ៧ កាលពីថ្ងៃទី២៣ ខែកក្កដា ឆ្នាំ ២០២៣ កន្លងនេះ ប្រជាពលរដ្ឋដែលមានឈ្មោះនៅក្នុងបញ្ជីបោះឆ្នោត បានចេញទៅបោះឆ្នោតមានចំនួន ប្រមាណ ៨៤, ៥៩ % នៃប្រជាពលរដ្ឋសរុបដែលមានឈ្មោះនៅក្នុងបញ្ជីបោះឆ្នោត ។
ការប្រកាសលទ្ធផលបណ្តោះអាសន្នដោយ គ.ជ.បនេះក្នុងករណីគ្មាន ឬមានពាក្យបណ្តឹង និងគ្មានការបោះឆ្នោតសាជាថ្មី គ.ជ.ប នឹងប្រកាសថ្ងៃទី៥ ខែសីហា ឆ្នាំ២០២៣ (ថ្ងៃចុងក្រោយ)។
តាមប្រតិទិនរបស់ គ.ជ.ប ការប្រកាសលទ្ធផលផ្លូវការ ការបែងចែកអាសនៈ និងការកំណត់បេក្ខជនជាប់ឆ្នោតក្នុងករណីគ្មាន ឬមានពាក្យបណ្តឹង និងករណីគ្មាន ការបោះឆ្នោតសាជាថ្មី) ប្រកាសថ្ងៃទី៤ ខែសីហា-ថ្ងៃទី៤ ខែកញ្ញា ឆ្នាំ២០២៣៕
