ត្រីរាជ មួយក្បាលទម្ងន់ជិត ១០០គីឡូក្រាម ត្រូវបានលែងវិញ
ត្រីរាជ មួយក្បាលទម្ងន់ជិត ១០០គីឡូក្រាម ត្រូវបានលែងវិញ
សៀមរាប៖ «ត្រីរាជ» មួយក្បាលទម្ងន់ ៩៥គីឡូក្រាម ប្រវែង ២១៦សង់ទីម៉ែត្រ ត្រូវអ្នកនេសាទចាប់បានដោយឧបកណ៍នេសាទ «លបឡុក» នៅដែននេសាទជ្រោយមេត្រី សង្កាត់ចុងឃ្នាស ខេត្តសៀមរាប។ នេះបើយោងតាមគម្រោងអច្ឆរិយភាពទន្លេមេគង្គ។
អ្នកនេសាទ ឆែ យូហាក់ អាយុ ៣៨ឆ្នាំ បានរាយការណ៍ដោយស្ម័គ្រចិត្តអំពីការចាប់បានត្រីរាជមួយក្បាលនេះ ដើម្បីឱ្យក្រុមការងារបានចុះទៅបំពាក់ស្លាក និងលែងចូលក្នុងធម្មជាតិវិញ។
គម្រោងអច្ឆរិយភាពទន្លេមេគង្គ បានចាត់ទុកនេះបង្ហាញពីកិច្ចសហការយ៉ាងរឹងមាំរវាងប្រជានេសាទ ខណ្ឌរដ្ឋបាលជលផលសៀមរាប វិទ្យាស្ថានស្រាវជ្រាវ និងអភិវឌ្ឍន៍ជលផលទឹកសាប និងគម្រោងអច្ឆរិយភាពទន្លេមេគង្គ៕
