CMAC និងមន្ត្រីអង្គការបរទេស៖ គ្រាប់បែក MK-84 ត្រូវបានទាហានសៀមទិញពីក្រុមហ៊ុន IMI យកមកទម្លាក់នៅកម្ពុជា
CMAC និងមន្ត្រីអង្គការបរទេស៖ គ្រាប់បែក MK-84 ត្រូវបានទាហានសៀមទិញពីក្រុមហ៊ុន IMI យកមកទម្លាក់នៅកម្ពុជា
ភ្នំពេញ៖ ក្រុមជំនាញគ្រាប់បែកទម្លាក់របស់អង្គភាពស៊ីម៉ាក់ អង្គការ Golden West និងអង្គការ NPA (Norwegian People Aid) នៅថ្ងៃចន្ទ ទី០៤ ខែសីហា ឆ្នាំ២០២៥ បានចុះត្រួតពិនិត្យបច្ចេកទេសគ្រាបបែកនេះជាលំអិត ដោយបានបញ្ជាក់ថា គ្រាប់បែក MK-84 នេះ មានលេខ Lot No. IMI 96G015-11 និងផលិតក្នុងឆ្នាំ១៩៩៦! ។
លោក ហេង រតនា អគ្គនាយកអង្គភាពស៊ីម៉ាក់ នៅថ្ងៃទី ៤ ខែសីហា នេះ ឱ្យដឹងថា គ្រាប់បែក MK-84 ត្រូវបានទាហានថៃទម្លាក់ ស្ថិតនៅភូមិថ្មដូន ឃុំគោកមក ស្រុកបន្ទាយអំពិល ខេត្តឧត្តរមានជ័យ ។
លោក Len Austin ប្រធានអង្គការ Golden West ប្រចាំកម្ពុជានិងជាអតីតៈកងទ័ពម៉ារីនសហរដ្ឋអាមេរិកខាងជំនាញគ្រាប់យុទ្ធភណ្ឌ ជាជំនាញខាងគ្រាប់បែកទម្លាក់ពីយន្តហោះនៃប្រទេសក្នុងតំបន់នេះ បានចូលរួមកំណត់លក្ខណៈបច្ចេកទេសគ្រាប់បែក MK-84 នេះ ក៏បានបញ្ជាក់អំពីអត្តសញ្ញាណគ្រាប់បែក MK-84 នេះផលិតនៅឆ្នាំ១៩៩៦និងអាចសៀមទិញពីក្រុមហ៊ុន IMI (Israel Military Industries)របស់អ៊ីស្រាអ៊ែលបានទទួលសិទ្ធផលិតនិងលក់គ្រាប់បែកត្រកូល MK នេះ។
លោកបន្តថា គ្រាប់បែក MK-84 នេះផលិតក្នុងឆ្នាំ១៩៩៦ ដូចនេះវាមិនអាចជាគ្រាប់បែកសំណល់ពីការទម្លាក់គ្រាប់បែកក្នុងសម័យសង្គ្រាមឆ្នាំ១៩៧០-១៩៧៣កើតទេ។ លោកមានជំនឿយ៉ាងមុតមាំថា ពិភពលោកយល់ច្បាស់ណាស់អំពីរឿងនេះ៕
