របាយការណ៍៖ លោក Biden យល់ព្រមលក់អាវុធដល់អ៊ីស្រាអែលដែលតម្លៃរហូតដល់ ៦៨០ លានដុល្លារ

ដោយ៖ Chhan Sreyka | 10 ម៉ោងមុន ព័ត៌មានអន្តរជាតិ

អាមេរិក៖ រដ្ឋបាលរបស់ប្រធានាធិបតីសហរដ្ឋអាមេរិក លោក Joe Biden ត្រូវបានគេរាយការណ៍ថា បានអនុម័តជាបណ្តោះអាសន្ននូវកញ្ចប់សព្វាវុធតម្លៃប្រមាណ $៦៨០ លានដុល្លារអាមេរិកដល់ប្រទេសអ៊ីស្រាអែល។ ទោះបីជាខ្លួនអះអាងថាខ្លួនកំពុងជំរុញឱ្យមានសន្តិភាពនៅមជ្ឈិមបូព៌ាក៏ដោយ។

របាយការណ៍នៃកិច្ចព្រមព្រៀងសព្វាវុធត្រូវបានសារព័ត៌មានផ្សព្វផ្សាយនៅថ្ងៃពុធ គឺកើតឡើងមួយថ្ងៃបន្ទាប់ពីលោក Biden បានប្រកាសបទឈប់បាញ់រវាងប្រទេសអ៊ីស្រាអែល និងក្រុម Hezbollah ហើយបានសន្យាថានឹងបន្តកិច្ចខិតខំប្រឹងប្រែងដើម្បីសម្រេចបាននូវកិច្ចព្រមព្រៀងស្រដៀងគ្នារវាងអ៊ីស្រាអែល និងក្រុមហាម៉ាសនៅតំបន់ហ្គាហ្សា ។

កញ្ចប់សព្វាវុធបានដំណើរការអស់ជាច្រើនខែ ហើយត្រូវបានពិនិត្យជាមុនដោយគណៈកម្មាធិការសភាក្នុងខែកញ្ញា និងបានដាក់ជូនសម្រាប់ការត្រួតពិនិត្យនៅក្នុងខែតុលា មន្ត្រីសហរដ្ឋអាមេរិកមួយរូបស្នើសុំមិនបញ្ចេញឈ្មោះបានប្រាប់ទីភ្នាក់ងារព័ត៌មាន Reuters ក្រោយពីបានបញ្ជាក់ប្រាប់កាសែត Financial Times នេះថា ជាការអនុម័តបណ្តោះអាសន្នរបស់លោក Biden ។

ទីភ្នាក់ងារព័ត៌មានទាំងពីរបានរាយការណ៍ថា សព្វាវុធចុងក្រោយបំផុតនឹងរួមបញ្ចូលជាបំណែក គ្រាប់បែកតូចៗរាប់រយគ្រាប់ និងឧបករណ៍គ្រាប់បែកវាយប្រហារផ្ទាល់ រាប់ពាន់គ្រាប់ (JDAMs)។

ទោះជាយ៉ាងណា រដ្ឋបាលលោក Biden មិនបានបញ្ជាក់ពីរបាយការណ៍នេះទេ ព្រោះវាបង្ហាញពីភាពផ្ទុយគ្នានៃជំហររបស់សហរដ្ឋអាមេរិកលើជម្លោះនៅមជ្ឈិមបូព៌ា ។ ដៃម្ខាងសម្របសម្រួលការចរចាបទឈប់បាញ់ ខណៈដៃម្ខាងទៀតលក់អាវុធរាប់ពាន់លានដុល្លារទៅឱ្យអ៊ីស្រាអែល ដែលបានសម្លាប់មនុស្សរាប់សិបនាក់ទាំងជនជាតិប៉ាឡេស្ទីន និងលីបង់រាប់ពាន់នាក់។

កាលពីថ្ងៃអង្គារ លោក Biden ដែលបានគាំទ្រដល់ប្រទេសអ៊ីស្រាអែល និងបង្ហាញពីការលក់អាវុធរបស់សហរដ្ឋអាមេរិកដល់អ៊ីស្រាអែលថា ជាការគាំទ្រដ៏សំខាន់សម្រាប់សម្ព័ន្ធមិត្ត។ នៅក្នុងសុន្ទរកថានៅឯសេតវិមាន លោក Biden ប្រកាសថាបទឈប់បាញ់ដែលផ្តល់ដោយអាមេរិកដែលនឹងធ្វើឱ្យអ៊ីស្រាអែលដកខ្លួនចេញពីប្រទេសលីបង់ក្នុងរយៈពេល 60 ថ្ងៃ។

ក្នុងសុន្ទរកថា លោក Biden បានសន្យាថានឹងស្វែងរកការបញ្ចប់ការប្រយុទ្ធគ្នាដែលបានផ្ទុះឡើងនៅតំបន់ Gaza ចាប់តាំងពីថ្ងៃទី ៧ ខែតុលា ឆ្នាំ ២០២៣។ អស់ជាច្រើនខែមកហើយ ការប៉ុនប៉ងពីមុនដោយក្រុងវ៉ាស៊ីនតោនឈ្មួញធ្វើជាកណ្តាលកិច្ចព្រមព្រៀងមួយ ។ ករណីនេះ បានធ្វើឱ្យអ្នករិះគន់ចោទប្រកាន់ក្រុងវ៉ាស៊ីនតោនថា មិនបានប្រើឥទ្ធិពល របស់ខ្លួន ដកហូតអាវុធក្នុងតម្លៃរាបពាន់លានដុល្លារដែលខ្លួនផ្តល់ដល់អ៊ីស្រាអែល។

មកទល់នឹងពេលនេះ អ៊ីស្រាអែលបានសម្លាប់ជនជាតិប៉ាឡេស្ទីនយ៉ាងតិច ៤៤.២៨២នាក់ នៅតំបន់ហ្គាហ្សា ចាប់តាំងពីសង្រ្គាមបានចាប់ផ្តើម នៅពេលដែលការវាយប្រហារដឹកនាំដោយក្រុមហាម៉ាសលើភាគខាងត្បូងអ៊ីស្រាអែល បានសម្លាប់មនុស្សយ៉ាងហោចណាស់ ១.១៣៩នាក់។ កងកម្លាំងអ៊ីស្រាអែលបានសម្លាប់មនុស្សជាង ៣,៨00 នាក់នៅក្នុងប្រទេសលីបង់ក្នុងរយៈពេល ១៣ ខែកន្លងមកនេះ៕