Andres Iniesta សម្រេចចូលនិវត្តន៍ ក្នុងវ័យ ៤០ឆ្នាំ
Andres Iniesta សម្រេចចូលនិវត្តន៍ ក្នុងវ័យ ៤០ឆ្នាំ
Andres Iniesta អតីតខ្សែបម្រើរបស់ Barcelona និងអេស្ប៉ាញ បានប្រកាសចូលនិវត្តន៍ហេីយ កាលពីថ្ងៃអង្គារ បន្ទាប់ពីអាជីពដ៏ត្រចះត្រចង់ដែលមានរយៈពេល ២៤ឆ្នាំ។
Iniesta វ័យ ៤០ឆ្នាំគឺជាបេះដូងនៃខ្សែបម្រើអេស្ប៉ាញ និង Barcelona ក្នុងអំឡុងពេលនៃភាពជោគជ័យ សម្រាប់ក្រុមទាំងពីរនៅចុងទសវត្សរ៍ឆ្នាំ ២០០០ និងដើមឆ្នាំ ២០១០ ។
Iniesta បានបង្ហាញខ្លួន ១៣១ប្រកួតឱ្យក្រុមជម្រើសជាតិអេស្ប៉ាញ ដោយស៊ុតបញ្ចូលទីមួយគ្រាប់គត់ក្នុងការប្រកួត World Cup 2010 វគ្គផ្តាច់ព្រ័ត្រ ជួយឲ្យអេស្ប៉ាញ ទទួលបានជ័យជម្នះលើប្រទេសហូឡង់ ខណៈដែលពួកគេបានលើកពានពិភពលោក ជាលើកដំបូង។
មិនតែប៉ុណ្ណោះ រូបគេក៏បានដើរតួយ៉ាងសំខាន់ក្នុងប្រទេសអេស្ប៉ាញ ដែលឈ្នះជើងឯកអឺរ៉ុប ឆ្នាំ ២០០៨ ហើយត្រូវបានតែងតាំងជាកីឡាករល្អប្រចាំព្រឹត្តិការណ៍ផថដែរ នៅពេលដែលពួកគេបានការពារជើងឯក ដោយជោគជ័យ ក្នុងឆ្នាំ ២០១២។
កើតនៅក្នុងភូមិតូចមួយនៃតំបន់ Fuentealbilla ដែលមានចម្ងាយតិចជាងមួយម៉ោងពីភាគអាគ្នេយ៍នៃរដ្ឋធានីម៉ាឌ្រីដ Iniesta បានចូលរួមសាលាយុវជន La Masia របស់ Barcelona នៅអាយុ ១២ឆ្នាំ និងបានបង្ហាញខ្លួន ៦៧៤ប្រកួតឱ្យក្រុមអេស្ប៉ាញ។
មួយឆ្នាំមុនពេលក្លាយជាវីរបុរសចុងក្រោយ នៃការប្រកួតបាល់ទាត់ពិភពលោករបស់អេស្ប៉ាញ Iniesta បានធ្វើការអស្ចារ្យរបស់គាត់ក្នុងការប្រកួតវគ្គពាក់កណ្តាលផ្តាច់ព្រ័ត្រ Champions League ទល់នឹង Chelsea ។
ការស៊ុតបាល់បញ្ចូលទីដ៏អស្ចារ្យរបស់គាត់ក្នុងម៉ោងបន្ថែម បានធានា Barca កៅអីក្នុងវគ្គផ្តាច់ព្រ័ត្រ ហើយពួកគេបានបន្តលើកពាន ដែលជាការឈ្នះពាន European Cup លើកដំបូងរបស់លោក Pep Guardiola ក្នុងនាមគ្រូបង្វឹក។
គួរបញ្ជាក់ថា Iniesta បានឈ្នះជើងឯក LaLiga ៩ ដងជាមួយ Barca ជើងឯក Champions League ៤ដង ពាន Copa del Rey ៦ដង ពាន UEFA Super Cup ២ដង និង FIFA Club World Cup ៣ដង៕
