កម្ពុជានាំមុខប្រទេសថៃ និងវៀតណាមជាគោលដៅទេសចរណ៍វប្បធម៌

កម្ពុជានាំមុខប្រទេសថៃ និងវៀតណាមជាគោលដៅទេសចរណ៍វប្បធម៌

វៀតណាម៖ សារព័ត៌មានប្រទេសវៀតណាម VNEXPRESS បានចុះផ្សាយថា ប្រទេសកម្ពុជាបានឈ្នះពានរង្វាន់ទេសចរណ៍ពិភពលោក បន្ទាប់ពីកម្ពុជាវ៉ាដាច់ប្រទេសថៃ និងវៀតណាមក្លាយជាគោលដៅវប្បធម៌ឈានមុខគេនៅអាស៊ី ក្នុងកម្មវិធី World Travel Awards ឆ្នាំនេះ។

ប្រភពដដែលបន្តថា នេះជាលើកទី៣ហើយដែលកម្ពុជាដណ្តើមបានពាន។ កាលពីឆ្នាំមុន ប្រទេសថៃ និងវៀតណាម ត្រូវបានគេពានរង្វាន់ទេសចរណ៍បែបនេះ ។
ប្រទេសកម្ពុជាមានប្រាសាទអង្គរវត្ត ដែលជាប្រាសាទដ៏សំខាន់មួយនៅក្នុងរមណីយដ្ឋានអង្គរ ដែលបានទទួលស្គាល់ជាសម្បត្តិបេតិកភណ្ឌពិភពលោករបស់អង្គការយូណេស្កូ។

រមណីយដ្ឋាននេះ មាន ទំហំ ៤០១ គីឡូម៉ែត្រការ៉េ មានប្រាសាទបុរាណចំនួន ៩១ ដែលសាងសង់នៅចន្លោះសតវត្សទី ៩ និងទី ១៣ ។ ចន្លោះខែមករា ដល់ខែកក្កដា ឆ្នាំ២០២៤ រមណីយដ្ឋាននេះ បានទាក់ទាញភ្ញៀវទេសចរអន្តរជាតិចំនួន ៥៨៤.៣៧៥ នាក់ ដែលរកចំណូលបានប្រមាណ ២៧.២ លានដុល្លារក្នុងការលក់សំបុត្រ នេះបើយោងតាមស្ថិតិផ្លូវការ។

ពានរង្វាន់ទេសចរណ៍ពិភពលោកដែលត្រូវបានបង្កើតឡើងក្នុងឆ្នាំ១៩៩៣ ត្រូវបានចាត់ទុកថាជា «ពានរង្វាន់អូស្ការនៃឧស្សាហកម្មទេសចរណ៍« ដោយទទួលស្គាល់ភាពល្អឥតខ្ចោះក្នុងវិស័យទេសចរណ៍ និងទេសចរណ៍។ ការផ្តល់ពានរង្វាន់ ត្រូវបានកំណត់ដោយការបោះឆ្នោតពីទាំងអ្នកជំនាញក្នុងឧស្សាហកម្ម និងសាធារណជនទូទៅ៕