លោក Trump រៀបចំអាហារពេលល្ងាចជូនមេដឹកនាំបច្ចេកវិទ្យានៅសេតវិមាន ប៉ុន្តែអវត្តមានលោក Musk

លោក Trump រៀបចំអាហារពេលល្ងាចជូនមេដឹកនាំបច្ចេកវិទ្យានៅសេតវិមាន ប៉ុន្តែអវត្តមានលោក Musk

វ៉ាស៊ីនតោន៖ លោកប្រធានាធិបតីអាមេរិក លោក ដូណាល់ ត្រាំ បានរៀបចំអាហារពេលល្ងាចជូនមេដឹកនាំកំពូលៗ ក្នុងវិស័យបច្ចេកវិទ្យារបស់សហរដ្ឋអាមេរិកនៅសេតវិមាន នៅថ្ងៃព្រហស្បតិ៍ ខែកញ្ញា ឆ្នាំ ២០២៥ ។

ក្នុងចំណោមអ្នកចូលរួមមានលោក Mark Zuckerberg ស្ថាបនិកក្រុមហ៊ុន Meta, លោក Tim Cook នាយកប្រតិបត្តិក្រុមហ៊ុន Apple, លោក Bill Gates សហស្ថាបនិកក្រុមហ៊ុន Microsoft, និងលោក Sam Altman នាយកប្រតិបត្តិក្រុមហ៊ុន OpenAI។

ទោះបីជាមានវត្តមានមេដឹកនាំល្បីៗជាច្រើនក៏ដោយ ក៏លោក Elon Musk ស្ថាបនិកក្រុមហ៊ុន Tesla និង SpaceX មិនបានចូលរួមក្នុងពិធីនោះទេ។

តាមប្រភពពីមន្ត្រីសេតវិមានបានបញ្ជាក់ថា លោក Musk ពិតជាត្រូវបានអញ្ជើញមែន ប៉ុន្តែលោកមិនអាចចូលរួមបានឡើយ។ លោក Musk ក៏បានបង្ហោះសារលើបណ្តាញសង្គម X របស់លោកផងដែរថា លោកនឹងបញ្ជូនតំណាងរបស់លោកជំនួសវិញ។

ប្រភពជាច្រើនបានលើកឡើងថា ការអវត្តមានរបស់លោក Musk អាចកើតឡើងបន្ទាប់ពីមានភាពរកាំរកូសជាមួយលោក ដូណាល់ ត្រាំ កាលពីដើមឆ្នាំ។

អាហារពេលល្ងាចនេះ ដើមឡើយគ្រោងនឹងរៀបចំនៅសួនច្បារ Rose Garden ដែលទើបនឹងកែលម្អថ្មី ប៉ុន្តែត្រូវបានផ្លាស់ប្តូរទៅក្នុងបន្ទប់ State Dining Room ដោយសារតែអាកាសធាតុមិនអំណោយផល៕ ប្រភព៖ The Guardian

https://www.theguardian.com/technology/2025/sep/04/trump-rose-garden-tech-dinner-elon-musk