អាជ្ញាធរថៃព្រមានពីមានភ្លៀងធ្លាក់ខ្លាំងបង្កទៅជាទឹកជំនន់សម្រាប់ភាគខាងត្បូង

អាជ្ញាធរថៃព្រមានពីមានភ្លៀងធ្លាក់ខ្លាំងបង្កទៅជាទឹកជំនន់សម្រាប់ភាគខាងត្បូង

ថៃ ៖ ប្រជាជននៅក្នុងខេត្តភាគខាងត្បូងរបស់ប្រទេសថៃ ត្រូវបានព្រមានអំពីភ្លៀងធ្លាក់ខ្លាំងដែលចាប់ផ្តើមពីថ្ងៃពុធនេះ នឹងបន្តរហូតដល់ថ្ងៃសុក្រ ជាមួយនឹងហានិភ័យនៃទឹកជំនន់ទឹកភ្លៀងអាចនឹងកើតឡើងភ្លាមៗ។ នេះ បើតាមការចុះផ្សាយរបស់សារព័ត៌មាន Bangkok Post នៅថ្ងៃទី ពុធនេះ។

នាយកដ្ឋានឧតុនិយមរបស់ប្រទេសថៃបានរាយការណ៍ថា ខ្យល់បក់ពីទិសខាងកើតដែលផ្លាស់ទីកាត់ឈូងសមុទ្រថៃ ភាគខាងត្បូង និងសមុទ្រ Andaman កំពុងនាំមកនូវភ្លៀងធ្លាក់បន្ថែមទៀតដល់ខេត្តភាគខាងត្បូង។

ប្រភពដដែលបន្តថា ស្ថានភាពបែបនេះ នឹងធ្វើឱ្យប៉ះពាល់ដលខេត្តទាំងនេះ ដូចជា Prachuap Khiri Khan, Chumphon, Surat Thani, Nakhon Si Thammarat, Phatthalung, Songkhla, Pattani, Yala, Narathiwat, Phang Nga, Krabi, Trang, Satun, Phetchaburi, Ranong និង Phuket។

បើតាមប្រភពដែល បានតម្រូវឱ្យប្រជាពលរដ្ឋត្រូវប្រុងប្រយ័ត្នចំពោះភ្លៀងធ្លាក់ខ្លាំង ដែលអាចបង្កឱ្យមានជំនន់នៅក្បែរតំបន់ភ្នំ។ រលកនៅឈូងសមុទ្រត្រូវបានគេរំពឹងថានឹងកាន់តែខ្លាំង កម្ពស់ប្រហែល ២ ម៉ែត្រ និងច្រើនជាងនេះក្នុងអំឡុងពេលមានផ្គររន្ទះ។ ទូកតូចៗត្រូវបានព្រមានឱ្យនៅជាប់ច្រាំង និងមិនឱ្យចេញនោះទេ ៕