លោក Zelenskyy ត្រៀមខ្លួនរួចជាស្រេច ដើម្បីចុះកិច្ចព្រមព្រៀងរ៉ែឱ្យអាមេរិក បន្ទាប់ពីប៉ះទង្គិចពាក្យសំដីជាមួយ លោក Trump

លោក Zelenskyy ត្រៀមខ្លួនរួចជាស្រេច ដើម្បីចុះកិច្ចព្រមព្រៀងរ៉ែឱ្យអាមេរិក បន្ទាប់ពីប៉ះទង្គិចពាក្យសំដីជាមួយ លោក Trump

អាមេរិក៖ ប្រធានាធិបតីអ៊ុយក្រែនលោក Volodymyr Zelenskyy បាននិយាយថា កិច្ចព្រមព្រៀងរ៉ែជាមួយសហរដ្ឋអាមេរិកគឺ “ត្រៀមខ្លួនជាស្រេច” ដើម្បីចុះហត្ថលេខា ទោះបីជាមានការប៉ះទង្គិចជាសាធារណៈជាមួយប្រធានាធិបតីអាមេរិក លោក Donald Trump ក៏ដោយ។

ថ្លែងទៅកាន់អ្នកសារព័ត៌មានបន្ទាប់ពីកិច្ចប្រជុំកំពូលដ៏សំខាន់មួយជាមួយមេដឹកនាំអឺរ៉ុបនៅទីក្រុងឡុងដ៍កាលពីថ្ងៃអាទិត្យ លោក Zelenskyy បាននិយាយថា ទីក្រុង Kyiv បានត្រៀមខ្លួនជាស្រេចដើម្បីឆ្ពោះទៅមុខជាមួយនឹងកិច្ចព្រមព្រៀងដែលបានព្រៀងទុក បន្ទាប់ពីការប៉ះទង្គិចជាមួយលោក Trump កាលពីថ្ងៃសុក្រសប្តាហ៍មុ្ន។

លើសពីនេះទៀត លោក Zelenskyy បានបង្ហាញទំនុកចិត្តថា ទំនាក់ទំនងរវាងលោក ជាមួយ លោក Trump នឹងសះជាឡើងវិញ ហើយថារដ្ឋបាលរបស់លោក Trump នឹងមិនកាត់ផ្តាច់ជំនួយដល់ទីក្រុង Kyiv ទេ។

ការលើកឡើងរបស់លោក Zelenskyy បានធ្វើឡើងនៅចុងបញ្ចប់នៃដំណើរទស្សនកិច្ចរយៈពេលពីរថ្ងៃទៅកាន់ចក្រភពអង់គ្លេស ក្នុងអំឡុងពេលដែលមេដឹកនាំអឺរ៉ុបបានស្វែងរកការបង្ហាញការរួបរួមមួយក្នុងការគាំទ្រប្រទេសអ៊ុយក្រែន និងកិច្ចខិតខំប្រឹងប្រែងជួយ ដើម្បីបញ្ចប់សង្រ្គាមរបស់ខ្លួនជាមួយរុស្ស៊ី។

នៅឯកិច្ចប្រជុំកំពូលនៅទីក្រុងឡុងដ៍ នាយករដ្ឋមន្ត្រីចក្រភពអង់គ្លេស លោក Keir Starmer បាននិយាយថា ប្រទេសអង់គ្លេស និងប្រទេសបារាំងនឹងប្រមូលផ្តុំ ចងជា «សម្ព័ន្ធភាព» ដើម្បីរៀបចំផែនការសន្តិភាពមួយ ដើម្បីបង្ហាញជូនលោក Trump ។

សំណើរបស់រដ្ឋបាល លោក Trump ដើម្បីទាញយកធនធានធម្មជាតិរបស់អ៊ុយក្រែនជាផ្នែកមួយនៃកិច្ចព្រមព្រៀង ដើម្បីបញ្ចប់សង្រ្គាម បានបរាជ័យកាលពីថ្ងៃសុក្រក្នុងអំឡុងពេលកិច្ចប្រជុំតាម រវាងលោក Zelenskyy និងប្រធានាធិបតីអាមេរិកនៅសេតវិមាន។

បន្ទាប់ពី Zelenskyy បានជំទាស់នឹងអនុប្រធានាធិបតីអាមេរិក លោក JD Vance ជុំវិញការឈ្លោះប្រកែកគ្នាថា ការទូតគឺចាំបាច់បន្ទាប់ពីវិធីសាស្រ្តរបស់អតីតប្រធានាធិបតីអាមេរិក លោកJoe Biden បានបរាជ័យ ។

លោក Trump និង Vance បានស្តីបន្ទោសមេដឹកនាំអ៊ុយក្រែនថាមិនដឹងគុណសម្រាប់ការគាំទ្ររបស់សហរដ្ឋអាមេរិក និងការវាយតម្លៃខ្ពស់លើជំហរចរចារបញ្ចប់សង្គ្រាម ។ លោក Trump បានលុបចោលដំណើរទស្សនកិច្ចរបស់ លោក Zelenskyy រួមទាំងពិធីចុះហត្ថលេខាលើកិច្ចព្រមព្រៀងរ៉ែ ហើយបាននិយាយថា មេដឹកនាំអ៊ុយក្រែនអាចត្រឡប់មកវិញនៅពេលដែល «ត្រៀមខ្លួន» សម្រាប់សន្តិភាព។

សមាជិកសភាមកពីគណបក្សសាធារណរដ្ឋជាច្រើន រួមទាំងសមាជិកព្រឹទ្ធសភារដ្ឋ South Carolina លោក Lindsey Graham បានស្នើថា លោក Zelenskyy គួរតែលាលែងពីតំណែង ប្រសិនបើមិនអាចចរចាជាមួយលោក Trump ។ កាលពីថ្ងៃអាទិត្យ លោក Zelenskyy បានច្រានចោលការអំពាវនាវរបស់គណបក្សសាធារណរដ្ឋឱ្យគាត់ចាត់ទុកតួនាទី ថា «មិនប្រជាធិបតេយ្យ» ប៉ុន្តែបាននិយាយថា លោកនឹងចុះចេញពីតំណែង ប្រសិនបើអ៊ុយក្រែនត្រូវបានផ្តល់ជាសមាជិកនៃអង្គការសន្ធិសញ្ញាអាត្លង់ទិកខាងជើង (NATO)៕ ប្រភព aljazeera