អបអរសាទរ ! ឯកសណ្ឋានក្នុងដីរបស់ក្រុមជម្រើសជាតិកម្ពុជា ជាប់ចំណាត់ថ្នាក់លេខ១ ក្នុងកម្មវិធី Football Shirt of the Year
អបអរសាទរ ! ឯកសណ្ឋានក្នុងដីរបស់ក្រុមជម្រើសជាតិកម្ពុជា ជាប់ចំណាត់ថ្នាក់លេខ១ ក្នុងកម្មវិធី Football Shirt of the Year
កាលពីព្រឹកថ្ងៃ ពុធ ទី១៥ ខែមករា ឆ្នាំ២០២៥នេះ មានដំណឹងដ៏រីករាយមួយក្នុងវិស័យបាល់ទាត់កម្ពុជា ដោយឯកសណ្ឋានក្នុងដីរបស់ក្រុមជម្រើសជាតិកម្ពុជា ដែលផលិតដោយក្រុមហ៊ុនក្នុងស្រុក 𝗩𝗮𝗿𝗮𝗺𝗮𝗻 ជាប់ចំណាត់ថ្នាក់លេខ១ ក្នុងនាមជាឯកសណ្ឋានបាល់ទាត់ក្លឹប និងជម្រើសជាតិជុំវិញពិភពលោក ក្នុងកម្មវិធី Football Shirt of the Year។
ក្រុមហ៊ុន 𝗩𝗮𝗿𝗮𝗺𝗮𝗻 បានប្រកាសថា ឯកសណ្ឋានក្នុងដីរបស់ក្រុមជម្រើសជាតិកម្ពុជាយើង ត្រូវបានដាក់បញ្ចូល ក្នុងចំណោមឯកសណ្ឋានបាល់ទាត់ក្លឹប និងជម្រើសជាតិជុំវិញពិភពលោក ក្នុងកម្មវិធី Football Shirt of the Year ហើយត្រូវបានបោះឆ្នោតជាប់ចំណាត់ថ្នាក់លេខ១ ដោយអ្នកដានតាមគេហទំព័រ Subsidesports។
ពួកយើងសូមអរគុណដល់អ្នកដែរបានចូលរួមបោះឆ្នោតឱ្យឯកសណ្ឋានរបស់យើង ទទួលបានលទ្ធផលនេះ។ គោលដៅ Varaman វរ្ម័ន គឺចង់ចូលរួមក្នុងការផ្សព្វផ្សាយអំពីវប្បធម៌ខ្មែរយើង ទៅកាន់ពិភពលោក ដើម្បីអោយបរទេសស្គាល់ពីវប្បធម៌ និងប្រទេសរបស់យើង។ជាមួយការគាំទ្ររបស់បងប្អូន ពួកយើងកំពុងបោះជំហានទៅកាន់គោលដៅរបស់យើង មួយជំហានម្តងៗ។អរគុណបងប្អូនទាំងអស់គ្នាសម្រាប់ការគាំទ្រ ពួកយើងនិងបន្តទៅមុនទៀតជាមួយគ្នា។
គួរបញ្ជាក់ថា បើតាមការបោះឆ្នោតរបស់អ្នកដានតាមគេហទំព័រ Subsidesports ឯកសណ្ឋានក្នុងដីជម្រើសជាតិកម្ពុជា ជាប់លេខលេខ១ ហើយលេខ២ បានទៅលើ ឯកសណ្ឋានខួប 100ឆ្នាំ ជម្រើសជាតិកូឡុំប៊ី និងលេខ៣ បានទៅលើឯកសណ្ឋានខួប 150ឆ្នាំ ជម្រើសជាតិអាហ្សង់ទីន៕
