ក្រុម Hamas ច្រានចោលនូវលក្ខខណ្ឌនៃកិច្ចព្រមព្រៀងឈប់បាញ់ដោយតម្រូវឱ្យដោះលែងចំណាប់ខ្មាំង

ក្រុម Hamas ច្រានចោលនូវលក្ខខណ្ឌនៃកិច្ចព្រមព្រៀងឈប់បាញ់ដោយតម្រូវឱ្យដោះលែងចំណាប់ខ្មាំង

បរទេស៖ ក្រុម Hamas បានចេញសេចក្តីថ្លែងការណ៍ផ្លូវការមួយកាលពីល្ងាចថ្ងៃអាទិត្យប្រកាសច្រានចោលនូវលក្ខខណ្ឌសម្រាប់កិច្ចព្រមព្រៀងឈប់បាញ់ ដោយតម្រូវឱ្យដោះលែងចំណាប់ខ្មាំង ដែលត្រូវបានពិភាក្សានៅទីក្រុង Doha កាលពីថ្ងៃព្រហស្បតិ៍ និងថ្ងៃសុក្រ ។

ជាមួយគ្នានោះ ក្រុម Hamas បានស្តីបន្ទោស នាយករដ្ឋមន្ត្រីអ៊ីស្រាអែល លោក Benjamin Netanyahu ដែលបានដាក់ឧបសគ្គថ្មីនៅក្នុងកិច្ចពិភាក្សា។

ចំណែកលោក Netanyahu តាមសេចក្តីរាយការណ៍បានប្រាប់ក្រុមរដ្ឋមន្ត្រីគណៈរដ្ឋមន្ត្រីកាលពីថ្ងៃអាទិត្យថា លោកមានទុទិដ្ឋិនិយមចំពោះឱកាសសម្រាប់កិច្ចព្រមព្រៀងមួយ ជាពិសេសដោយសារតែអ៊ីស្រាអែលបានកំពុងចរចាប្រកបដោយប្រសិទ្ធភាពជាមួយបណ្តាប្រទេសសម្រុះសម្រួលជាជាងជាមួយក្រុមហាម៉ាស់ ដែលបានបដិសេធមិនបញ្ជូនគណៈប្រតិភូទៅជុំចុងក្រោយ នៃការពិភាក្សា។

ភាពទុទិដ្ឋិនិយមរបស់លោក Netanyahu គួបផ្សំនឹងការបដិសេធរបស់ Hamas លើលក្ខខណ្ឌដែលបានពិភាក្សានៅទីក្រុង Doha ហាក់ដូចជាផ្ទុយនឹងរបាយការណ៍ពីអ្នកសម្របសម្រួលដែលថាការចរចាកំពុងដំណើរការ ជាមួយនឹងការបញ្ចប់ប្រកបដោយជោគជ័យ។

លោក Netanyahu នឹងធ្វើជាម្ចាស់ផ្ទះទទួលជួបលោក Antony Blinken រដ្ឋមន្ត្រីការបរទេសសហរដ្ឋអាមេរិកនៅថ្ងៃចន្ទនេះ ។ បន្ទាប់មក លោក Blinken នឹងធ្វើដំណើរទៅកាន់ទីក្រុងគែរ ដែលជាកន្លែងការពិភាក្សាលើកិច្ចព្រមព្រៀងកំពុងបន្ត។

ទោះជាយ៉ាងណា ប្រធានាធិបតីអាមេរិកលោក Joe Biden បាននិយាយកាលពីថ្ងៃអាទិត្យថា បទឈប់បាញ់នៅតំបន់ហ្គាហ្សាគឺ នៅតែអាចធ្វើទៅបាន ហើយថា មិនបោះបង់ចោលទេ ។

ក្នុងចំណោមចំណុចជាប់គាំងសំខាន់ៗនៅក្នុងការចរចាគឺការទាមទាររបស់ លោក Netanyahu នៅតែដាក់ពង្រាយកងទ័ពនៅលើច្រករបៀង Philadelphia ដែលរត់តាមបណ្តោយព្រំដែន Gaza-Egypt ដើម្បីការពារក្រុម Hamas ពីការរត់ពន្ធអាវុធចូលទៅក្នុង Gaza និងបង្កើតយោធាឡើងវិញ។

ការទាមទារនេះមិនត្រូវបានបញ្ជាក់នៅក្នុងសំណើកិច្ចព្រមព្រៀងចំណាប់ខ្មាំងថ្ងៃទី 27 ខែឧសភារបស់អ៊ីស្រាអែល ដែលបានបម្រើជាមូលដ្ឋានសម្រាប់កិច្ចពិភាក្សាជាបន្តបន្ទាប់ ហើយត្រូវបានបដិសេធដោយក្រុមហាម៉ាស៕