លោក Lukashenko ៖ បេឡារូសត្រៀមរួចរាល់ដើម្បីចូលរួមសង្គ្រាមដែលគាំទ្រខាងរុស្ស៊ី
លោក Lukashenko ៖ បេឡារូសត្រៀមរួចរាល់ដើម្បីចូលរួមសង្គ្រាមដែលគាំទ្រខាងរុស្ស៊ី
បរទេស ៖ សាជាថ្មី មេដឹកនាំនៃប្រទេសបេឡារូស លោកប្រធានាធិបតីAlexander Lukashenkoបានបង្ហាញនូវជំហរមិនប្រែប្រួលឡើយសម្រាប់ការគាំទ្ររបស់លោកចំពោះប្រតិបត្តិការយោធារបស់រុស្ស៊ីនៅក្នុងប្រទេសអ៊ុយក្រែន។
បេឡារូសត្រូវបានគេដឹងជាសម្ព័ន្ធមិត្តយ៉ាងជិតស្និទ្ធជាយូរមកហើយ ជាពិសេសចាប់តាំងតែពីពេលដែលរុស្ស៊ីបានចាប់ផ្តើមប្រតិបត្តិការយោធាពិសេសនៅក្នុងប្រទេសអ៊ុយក្រែន ប៉ុន្តែក្នុងពេលដែលពិភពលោកបានហៅវាថាជាសង្គ្រាមនៅក្នុងប្រទេសអ៊ុយក្រែន។
កាលពីថ្ងៃម្សិលមិញ នេះលោក Lukashenko បានធ្វើការផ្តល់បទសម្ភាសន៍ជាមួយនឹងក្រុមអ្នកកាសែតអឺរ៉ុបមួយចំនួននៅក្នុងទីក្រុង Minsk ដោយលោកបានឆ្លើយតបយ៉ាងច្បាស់ៗថាបេឡារូសនឹងបន្តគាំទ្ររុស្ស៊ីទាំងនយោបាយ និងយោធាទោះបីជាលោកខាងលិចកំពុងបន្តដាក់សំពាធយ៉ាងណាក្តី។
ឆ្លើយតបទៅនឹងសំណួររបស់ក្រុមអ្នកកាសែតដែលបានសួរថា តើលោកប្រធានាធីបតីនឹងរៀបចំធ្វើបែបនេះម្តងទៀតដូចកាលពីឆ្នាំទៅដែលបេឡារូសបានផ្តល់ទីតាំងក្នុងដែនដីរបស់ខ្លួនទៅឲ្យកងកម្លាំងរុស្សីរៀបចំប្រតិបត្តិការយោធាប្រឆាំងអ៊ុយក្រែននោះលោកបានបញ្ជាក់បែបនេះថា៖ ខ្ញុំបានត្រៀមរួចរាល់ហើយទាំងទីតាំង និងទាំងការត្រៀមលុយដើម្បីធ្វើសង្គ្រាមគាំទ្ររុស្សីផងដែរ ប៉ុន្តែទោះបីជាយ៉ាងណាក្តីវានឹងស្ថិតនៅក្នុងលក្ខណ្ឌមួយប៉ុណ្ណោះគឺប្រសិនបើមានទាហានប្រទេសណាម្នាក់ក៏ដោយមកចូលទឹកដីរបស់បេឡារូសហើយសម្លាប់ពលរដ្ឋរបស់បេឡារូស៕
