លោក Netanyahu បញ្ជូនក្រុមចរចាទៅពិភាក្សាអំពីកិច្ចព្រមព្រៀងដោះលែងចំណាប់ខ្មាំងជាមួយក្រុមហាម៉ាស
លោក Netanyahu បញ្ជូនក្រុមចរចាទៅពិភាក្សាអំពីកិច្ចព្រមព្រៀងដោះលែងចំណាប់ខ្មាំងជាមួយក្រុមហាម៉ាស
បរទេស៖ នាយករដ្ឋមន្ត្រីអ៊ីស្រាអែល លោក Benjamin Netanyahu បានសម្រេចចិត្តបញ្ជូនក្រុមអ្នកចរចា ដើម្បីពិភាក្សាអំពីកិច្ចព្រមព្រៀងដោះលែងចំណាប់ខ្មាំងជាមួយក្រុមហាម៉ាស។
ប្រធានាធិបតីសហរដ្ឋអាមេរិកលោក Joe Biden បានស្វាគមន៍ចំពោះវឌ្ឍនភាពនេះ នៅមុនមួយថ្ងៃបន្ទាប់ពីក្រុមហាម៉ាសបានឆ្លើយតបទៅនឹងផែនការបទឈប់បាញ់នៅតំបន់ហ្គាហ្សាដែលលោកបានលើកឡើងកាលពីចុងខែឧសភា ដែលត្រូវធ្វើឡើងក្នុងទីក្រុងគែរកាលពីដើមខែនោះ។
ព័ត៌មានលម្អិតនៃការឆ្លើយតបចុងក្រោយរបស់ក្រុមហាម៉ាសមិនត្រូវបានបង្ហាញជាសាធារណៈទេ ប៉ុន្តែមន្ត្រីប៉ាឡេស្ទីនម្នាក់បានប្រាប់ BBC ថាក្រុមនេះលែងទាមទារបទឈប់បាញ់ពេញលេញនៅដើមដំបូង នៃផែនការដែលបង្ហាញដោយលោក Biden ។
មន្ត្រីជាន់ខ្ពស់របស់សហរដ្ឋអាមេរិកបាននិយាយថា ក្រុមហាម៉ាស់បានយល់ព្រម “ការកែសម្រួលចំណុចសំខាន់ៗ” ចំពោះមុខតំណែងរបស់ខ្លួន។
មន្ត្រីអាមេរិករូបនេះបាននិយាយថា “យើងរកឃើញបញ្ហាលើការជាប់គាំងដ៏សំខាន់មួយនេះ” ទោះបីជាលោក បានសង្កត់ធ្ងន់ថា “នេះមិនមានន័យថាកិច្ចព្រមព្រៀងនេះនឹងត្រូវបិទក្នុងរយៈពេលប៉ុន្មានថ្ងៃក៏ដោយ” ។
មន្ត្រីរូបនេះបាននិយាយទៀតថា ប្រធានាធិបតី Biden និងនាយករដ្ឋមន្ត្រី Netanyahu បានសន្ទនាតាមទូរស័ព្ទកាលពីថ្ងៃព្រហស្បតិ៍ ដែលផ្តោតលើការដោះលែងចំណាប់ខ្មាំង និងការចរចាបទឈប់បាញ់។
កាលពីថ្ងៃពុធ ថ្នាក់ដឹកនាំនយោបាយរបស់ក្រុមហាម៉ាសបាននិយាយថា ខ្លួនបានទាក់ទងទៅអ្នកសម្រុះសម្រួលមកពីប្រទេសអេហ្ស៊ីប និងកាតា អំពីគំនិតដែលខ្លួនកំពុងពិភាក្សាក្នុងគោលបំណងឈានដល់កិច្ចព្រមព្រៀងមួយ។
រហូតមកដល់ពេលនេះ ក្រុមហាម៉ាសបានទាមទារឱ្យបញ្ចប់សង្គ្រាម និងការដកទ័ពអ៊ីស្រាអែលចេញពីតំបន់ហ្កាហ្សា។តែ អ៊ីស្រាអែលនិយាយថា ខ្លួននឹងទទួលយកតែការផ្អាកបណ្ដោះអាសន្នក្នុងការប្រយុទ្ធរហូតដល់កម្ចាត់ក្រុមហាម៉ាស៕
