កម្ពុជា ឈ្នះមេដាយសរុប ៧គ្រឿង ពីការប្រកួត The SEA WAVE 2025 Round 1នៅប្រទេសថៃ

កម្ពុជា ឈ្នះមេដាយសរុប ៧គ្រឿង ពីការប្រកួត The SEA WAVE 2025 Round 1នៅប្រទេសថៃ

កាលពីថ្ងៃ ចន្ទ ទី០៥ ខែឧសភា ឆ្នាំ២០២៥ ម្សិលមិញនេះ សហព័ន្ធខ្មែរកីឡាហែលទឹក បានប្រកាសថា កម្ពុជា ទទួលបានមេដាយសរុបចំនួន ៧គ្រឿង ពីកម្មវិធីប្រកួត The SEA WAVE 2025 Round 1 នាទីក្រុង Pathumthani ប្រទេសទេស។

ក្នុងចំណោមមេដាយទាំង ៧គ្រឿងនោះ មានមេដាយប្រាក់ចំនួន ៤គ្រឿ និងមេដាយសំរឹទ្ធ ៣គ្រឿង។

ខាងក្រោមនេះ ជាបញ្ជីឈ្មោះកីឡាករដែលទទួលបានមេដាយ៖
១.កុមារី ហួន ទិត្យដាលីន ទទួលបានមេដាយសរុបចំនួន ០៣គ្រឿង រួមមាន៖
– វិញ្ញាសា ៥០ម៉ែត្រ Surface មេដាយប្រាក់ ១គ្រឿង
– វិញ្ញាសា ៥០ម៉ែត្រ Bi-Fin មេដាយប្រាក់ ១គ្រឿង
– វិញ្ញាសា ១០០ម៉ែត្រ Bi-Fin មេដាយសំរឹទ្ធ ១គ្រឿង ។

២. កុមារ៉ា លីម នរវិទូ ទទួលបានមេដាយសរុបចំនួន ០២គ្រឿង រួមមាន៖
– វិញ្ញាសា ១០០ម៉ែត្រ Bi-Fin មេដាយប្រាក់ ១គ្រឿង
– វិញ្ញាសា ៥០ម៉ែត្រ Bi-Fin មេដាយប្រាក់ ១គ្រឿង។

៣. កុមារ៉ា ហែម ថុនរ៉ូណាល់ ទទួលបានមេដាយសំរឹទ្ធិ ០១គ្រឿង លើប្រភេទវិញ្ញាសា ១០០ម៉ែត្រ Surface ។

៤. ក្រុមកុមារ៉ា កុមារី (កុមារ៉ា ហែម ថុនរ៉ូណាល់ – កុមារ៉ា លីម នរវិទូ – កុមារី ប៊ុនសាន ស័កនិសា – កុមារី ហួន ទិត្យដាលីន) ទទួលបានមេដាយសំរឹទ្ធិ ០១គ្រឿង លើប្រភេទវិញ្ញាសា 50m x 4 Bi-Fin។

គួរបញ្ជាក់ថា សហព័ន្ធខ្មែរកីឡាហែលទឹក បានបញ្ចូនកុមារ៉ា កុមារី សរុបចំនួន ៥នាក់ ទៅចូលរួមការប្រកួតកីឡាហែលទឹកពាក់ជើងទា ( Finswimming ) ក្នុងកម្មវិធីប្រកួត The SEA WAVE 2025 Round 1 នាទីក្រុង Pathumthani ប្រទេស Thailand ដែលចាប់ផ្ដើមប្រកួតនាថ្ងៃទី០៥ ខែឧសភា ឆ្នាំ២០២៥៕