ឆ្នាំ ២០២៤ កម្ពុជាមានសួនឧស្សាហកម្មដែលមានរោងចក្រកំពុងដំណើរការ ២០ទីតាំង
ឆ្នាំ ២០២៤ កម្ពុជាមានសួនឧស្សាហកម្មដែលមានរោងចក្រកំពុងដំណើរការ ២០ទីតាំង
ភ្នំពេញ៖ ក្នុងឆ្នាំ ២០២៤ កន្លងទៅនៅទូទាំងប្រទេសកម្ពុជាមាន សួនឧស្សាហកម្មដែលមានរោងចក្រកំពុងដំណើរការ ចំនួន ២០ទីតាំង ស្ថិតនៅក្នុង៥ រាជធានី ខេត្ត។ ចំនួននេះមានការកើនឡើងចំនួន ៥ទីតាំង ស្មើនឹង ១៧,៦៥ ភាគរយ ធៀបនឹងឆ្នាំ ២០២៣ ។ នេះបើតាមរបាយការណ៍របស់ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ។
ប្រភពដដែលបន្តថា ពីឆ្នាំ២០២០ មកដល់ ឆ្នាំ២០២៤ កើនឡើងដល់ ១៣ សួនឧស្សាហកម្ម ខណៈនៅឆ្នាំ២០២០ មានត្រឹម ១០ ទីតាំង, ឆ្នាំ២០២១ មាន១៣ ទីតាំង, ឆ្នាំ២០២២ មាន ១៤ ទីតាំង ,ឆ្នាំ២០២៣ មាន១៧ ទីតាំង ហើយឆ្នាំ ២០២៤ បានកើនឡើងរហូតដល់ ២០ទីតាំង។
ក្នុងចំណោមសួនទាំង ២០ ទីតាំង មាននៅខេត្តកណ្តាលមានចំនួន ៧, រាជធានីភ្នំពេញចំនួន ៦ ,កំពង់ស្ពឺចំនួន ៥, បន្ទាយមានជ័យមួយ និងខេត្តតាកែវចំនួនមួយ។
សូមជម្រាបថា យុទ្ធសាស្ត្របញ្ចកោណ ដំណាក់កាលទី២របស់រាជរដ្ឋាភិបាលនីតិកាល៧នៃរដ្ឋសភា បានផ្តោតលើការពង្រឹងប្រសិទ្ធភាព និងភាពទាក់ទាញនៃតំបន់សេដ្ឋកិច្ចពិសេស រួមបញ្ចូលនូវសួនឧស្សាហកម្ម សួនកសិ-ឧស្សាហកម្ម និង តំបន់ពាណិជ្ជកម្មសេរី (Free-Trade Zone) ដែលមានគោលដៅយុទ្ធសាស្ត្រផ្តោតលើការប្រមូលផ្តុំ និងការអភិវឌ្ឍបណ្ដាញផលិតកម្មឱ្យដើរតួនាទីសំខាន់ក្នុងការបង្កើនប្រសិទ្ធភាព និងភាពប្រកួតប្រជែង ឧស្សាហកម្មកម្ពុជា៕
