ការវាយប្រហារនៅ West Bank ធ្វើឡើងបន្ទាប់ពីក្រុមហាម៉ាស់បានសម្លាប់ជនជាតិអ៊ីស្រាអែលបីនាក់

ការវាយប្រហារនៅ West Bank ធ្វើឡើងបន្ទាប់ពីក្រុមហាម៉ាស់បានសម្លាប់ជនជាតិអ៊ីស្រាអែលបីនាក់

បរទេស៖ មន្ត្រីប៉ាឡេស្ទីនបាននិយាយថា ជនជាតិប៉ាឡេស្ទីនបីនាក់ត្រូវបានសម្លាប់ រួមទាំងកុមារពីរនាក់ផងដែរ នៅក្នុងការវាយប្រហារតាមអាកាសរបស់ប្រទេសអ៊ីស្រាអែលនៅតំបន់ West Bank កាលពីថ្ងៃពុធ ខណៈនៃការចាប់ខ្លួន ការវាយឆ្មក់ និងការវាយប្រហារនៅតែបន្តឆ្លងកាត់ទឹកដី បន្ទាប់ពីមានការវាយប្រហារមួយសម្លាប់ជនជាតិអ៊ីស្រាអែលបីនាក់កាលពីថ្ងៃចន្ទ។

កាលពីល្ងាចថ្ងៃពុធ កងពលតូច al-Qassam ដែលជាក្រុមប្រដាប់អាវុធរបស់ក្រុមហាម៉ាស បានអះអាងពីការេទទួលខុសត្រូវចំពោះការវាយប្រហារកាលពីថ្ងៃចន្ទ ។

ទីភ្នាក់ងារព័ត៌មានប៉ាឡេស្ទីន Wafa បានរាយការណ៍ថា ក្មេងប្រុសពីរនាក់ រួមនឹងសាច់ញាតិម្នាក់ ត្រូវបានសម្លាប់នៅក្នុងការវាយប្រហារដោយយន្តហោះគ្មានមនុស្សបើកនៅក្នុងទីក្រុង Tamun ។ ក្មេងប្រុសទាំងនោះមានឈ្មោះ Rida Bisharat អាយុ ៩ ឆ្នាំ និង ម្នាក់ទៀតឈ្មោះ Hamza Bisharat អាយុ ១០ ឆ្នាំ។

ក្រសួងការបរទេសប៉ាឡេស្ទីនបានហៅការវាយប្រហារដែលបានសម្លាប់ពួកគេថាជា «ឧក្រិដ្ឋកម្មដ៏សាហាវ»។ ក្រសួងសុខាភិបាលប៉ាឡេស្ទីនមិនបានបញ្ជាក់ពីការស្លាប់ភ្លាមៗនោះទេ។ កងកម្លាំងការពារអ៊ីស្រាអែលបាននិយាយថា ខ្លួនបានវាយប្រហារទៅលើកោសិកាភេរវករមួយនៅក្នុងតំបន់ បន្ទាប់ពីមានរបាយការណ៍ថាកុមារត្រូវបានសម្លាប់ «ឧបទ្ទវហេតុកំពុងស្ថិតក្រោមការត្រួតពិនិត្យ»។

រដ្ឋមន្ត្រីការពារជាតិអ៊ីស្រាអែល លោក Israel Katz បានបញ្ជាឱ្យបង្កើនសកម្មភាពយោធាបន្ទាប់ពីការបាញ់ប្រហារ «ដើម្បីធានាសុវត្ថិភាពនៃការតាំងទីលំនៅ និងអ្នកតាំងទីលំនៅ» នៅតំបន់ West Bank បន្ទាប់ពីការវាយប្រហារលើជនជាតិអ៊ីស្រាអែល។ IDF បាននិយាយកាលពីថ្ងៃអង្គារថា ខ្លួនកំពុង “តាមរកពួកភេរវករ” ដែលធ្វើការវាយប្រហារ ប៉ុន្តែខ្លួនមិនបានបញ្ចេញព័ត៌មានអំពីជនសង្ស័យណាមួយឡើយ។

ទោះជាយ៉ាងណា សមាគមអ្នកទោសប៉ាឡេស្ទីនបាននិយាយនៅក្នុងសេចក្តីថ្លែងការណ៍មួយថា យ៉ាងហោចណាស់មានជនជាតិប៉ាឡេស្ទីន ៤៥ នាក់ រួមទាំងកុមារម្នាក់ និងស្ត្រីពីរនាក់ត្រូវបានចាប់ខ្លួនដោយកងកម្លាំងអ៊ីស្រាអែលនៅ West Bank ចន្លោះពីល្ងាចថ្ងៃអង្គារដល់ព្រឹកថ្ងៃពុធ។

សេចក្តីថ្លែងការណ៍ដដែលបន្តថា យុទ្ធនាការ នៃការចាប់ខ្លួន បានរីករាលដាលកាន់តែខ្លាំង ហើយត្រូវបានពិពណ៌នាថាជាការដាក់ទណ្ឌកម្ម បានកើតឡើងនៅទូទាំងទីក្រុង Hebron, Nablus, Tubas, Tulkarm, Ramallah និង Jerusalem៕

https://www.washingtonpost.com/world/2025/01/08/israel-war-news-lebanon-syria-hamas-gaza-palestine/