វិសាខា គ្រងជើងឯកផ្នែកបុរស ខណៈ ពោធិ៍សាត់ គ្រងជើងឯកផ្នែកនារី ពានរង្វាន់បាល់ទះឯកឧត្តមសន្ដិបណ្ឌិត នេត សាវឿន

វិសាខា គ្រងជើងឯកផ្នែកបុរស ខណៈ ពោធិ៍សាត់ គ្រងជើងឯកផ្នែកនារី ពានរង្វាន់បាល់ទះឯកឧត្តមសន្ដិបណ្ឌិត នេត សាវឿន

(បាល់ទះ)៖ សមាគមន៍កីឡាបាល់ទះវិសាខា នៅតែបន្តភាពខ្លាំងរបស់ខ្លួន ដោយបានគ្រងជើងឯកពានរង្វាន់កីឡាបាល់ទះឯកឧត្តមសន្ដិបណ្ឌិត នេត សាវឿន ឆ្នាំ២០២៥ បន្ទាប់ពីយកឈ្នះ សមាគមន៍កីឡាបាល់ទះក្រសួងមហាផ្ទៃ ដោយលទ្ធផល ៣-២សិត។

ជាមួយគ្នានេះដែរ សម្រាប់លទ្ធផល ក្រុមបាល់ទះនារី ក្លឹបបាល់ទះមន្ទីរអបរំយុវជនខេត្តពោធិ៍សាត់ ទទួលបានជ័យលាភីលេខ១ បន្ទាប់ពីបានយកឈ្នះ ក្លឹបបាល់ទះមន្ទីរអបរំយុវជនខេត្តកណ្ដាល ដោយលទ្ធផល ៣-១សិត។

លទ្ធផលការប្រកួតបាល់ទះវិញ្ញាសាបុរស៖
១.សមាគមកីឡាបាល់ទះវិសាខា ទទួលបានជ័យលាភីលេខ១
២.សមាគមកីឡាបាល់ទះក្រសួងមហាផ្ទៃ ទទួលបានជ័យលាភីលេខ២
៣.ក្លិបស្នងការន.បរាជធានីភ្នំពេញ ទទួលបានជ័យលាភីលេខ៣។

លទ្ធផលការប្រកួតបាល់ទះវិញ្ញាសានារី៖
១.ក្លឹបបាល់ទះមន្ទីរអបរំយុវជនខេត្តពោធិ៍សាត់ ទទួលបានជ័យលាភីលេខ១
២.ក្លឹបបាល់ទះមន្ទីរអបរំយុវជនខេត្តកណ្ដាល ទទួលបានជ័យលាភីលេខ២
៣.ក្លឹបបាល់ទះមន្ទីរអបរំយុវជនរាជធានីភ្នំពេញ ទទួលបានជ័យលាភីលេខ៣។

គួរបញ្ជាក់ថា ការប្រកួតកីឡាបាល់ទះពានរង្វាន់ឯកឧត្ដម សន្តិបណ្ឌិត នេត សាវឿន នេះ គឺដើម្បីអបអរសារទរទិវាជ័យជម្ន័យ ៧មករា ខណៈការប្រកួតបានប្រព្រឹត្តិទៅ ចាប់ពីថ្ងៃទី២ ដល់ថ្ងៃទី៥ ខែមករា ឆ្នាំ២០២៥ នៅពហុកីឡដ្ឋានជាតិ (ស្តាតឣូឡាំពិក)៕