កីឡាករបរទេស ៧នាក់ ដែលលេងនៅលីគកំពូលកម្ពុជា ត្រៀមជួយជម្រើសជាតិរបស់ខ្លួន ក្នុងពានរង្វាន់ AFF Cup 2024
កីឡាករបរទេស ៧នាក់ ដែលលេងនៅលីគកំពូលកម្ពុជា ត្រៀមជួយជម្រើសជាតិរបស់ខ្លួន ក្នុងពានរង្វាន់ AFF Cup 2024
ការប្រកួតពានរង្វាន់ AFF Mitsubishi Electric Cup 2024 នឹងចាប់ផ្ដើមនៅធ្វើឡើងពីថ្ងៃទី៨ ខែធ្នូ ឆ្នាំ២០២៤ ដល់ថ្ងៃទី៥ ខែមករា ឆ្នាំ២០២៥ ខណៈកីឡាករដែលប្រកបអាជីពនៅលីគកម្ពុជា ចំនួន ៧នាក់ ត្រូវបានក្រុមជម្រើសជាតិកោះហៅ ត្រៀមជួយក្រុមជម្រើសជាតិរបស់ខ្លួន។
ខាងក្រោមនេះជាកីឡាករបរទេសទាំង ៧នាក់ ដែលលេងនៅលីគកំពូលកម្ពុជា៖
១ កីឡាករ Soe Moe Kyaw សមាជិករបស់ក្រុមកងយោធពលខេមរភូមិន្ទ ចូលរួមក្រុមជម្រើសជាតិមីយ៉ាន់ម៉ា
២ កីឡាករ Thiha Zaw សមាជិករបស់ក្រុមណាហ្គាវើលដ៍ ត្រៀមចូលរួមជាមួយក្រុមជម្រើសជាតិមីយ៉ាន់ម៉ា
៣ កីឡាករ Bounphachan Bounkong សមាជិករបស់ក្រុមព្រះខ័នរាជស្វាយរៀង ក្រុមជម្រើសជាតិឡាវ
៤ កីឡាករ Jarvey Gayoso សមាជិករបស់ក្រុមភ្នំពេញក្រោន ក្រុមជម្រើសជាតិហ្វីលីពីន
៥ កីឡាករ Georgino Mendonça សមាជិករបស់ក្រុមឡាយហ្វខេត្តព្រះសីហនុ ក្រុមជម្រើសជាតិទីម័រខាងកើត
៦ កីឡាករ Jhon Frith សមាជិករបស់ក្រុមអាយអេសអាយ ដង្កោសែនជ័យ ក្រុមជម្រើសជាតិទីម័រខាងកើត
៧ កីឡាករ João Pedro សមាជិករបស់អង្គរថាយហ្គឺរ ក្រុមជម្រើសជាតិទីម័រខាងកើត ។
គួរបញ្ជាក់ថា ក្នុងការប្រកួតពានរង្វាន់ AFF Mitsubishi Electric Cup 2024 មាន១០ប្រទេសចូលរួម ដោយបែងចែកជា២ពូល ដោយពូល A មានក្រុមជម្រើសជាតិថៃ ម៉ាឡេស៊ី សិង្ហបុរី កម្ពុជា និងទីម័រខាងកើត ខណៈពូល B មានក្រុមជម្រើសជាតិវៀតណាម ឥណ្ឌូណេស៊ី ហ្វីលីពីន មីយ៉ាន់ម៉ា និងឡាវ។ ក្រុមលេខ១ និងលេខ២ ទាំងពីរពូល នឹងឡើងទៅវគ្គពាក់ផ្តាច់ព្រ័ត្រ។ ចំពោះម្ចាស់ជើងឯកឆ្នាំចាស់គឺបានទៅលើក្រុមជម្រើសជាតិថៃ៕