កម្ពុជា ទទួលបានលេខ១ ក្នុងចំណោម ៥ប្រទេស ចូលរួមប្រកួតពានរង្វាន់ឯកឧត្តមអភិសន្តិបណ្ឌិត ស សុខា
កម្ពុជា ទទួលបានលេខ១ ក្នុងចំណោម ៥ប្រទេស ចូលរួមប្រកួតពានរង្វាន់ឯកឧត្តមអភិសន្តិបណ្ឌិត ស សុខា
ការប្រកួតកីឡាវាយសីដណ្តើមពានរង្វាន់ឯកឧត្តម អភិសណ្តិបណ្ឌិត ស សុខា លើកទី១ ឆ្នាំ២០២៤ បានបញ្ចប់ហើយដោយជោគជ័យ ក្នុងនោះ កម្ពុជា បានចំណាត់ថ្នាក់លេខ១ ក្នុងចំណោមប្រទេសចំនួន ៥ បានចុះឈ្មោះចូលរួមក្នុងការប្រកួតនេះ។
ការប្រកួតនេះ មាន ៣ ប្រភេទ ដោយប្រកួត ទី១ ប្រកួតអន្តរអគ្គនាយកដ្ឋានចំណុះក្រសួងមហាផ្ទៃ ទី២ ការប្រកួតតាមបណ្តាក្លឹប ដែលមាន ១៣ ក្លឹបចូលរួម និងទី៣ ការប្រកួតមិត្តភាពប៉ូលីសអន្តរជាតិ ដែលមាន ៥ ប្រទេសចូលរួម ដែលមាន ប្រទេសថៃ ប្រទសវៀតណាម ប្រទេសម៉ាឡេស៊ី ប្រទេសសាំងហ្គាពួរ និង កម្ពុជា។
បន្ទាប់ពីការប្រកួតរយៈពេល ៣ថ្ងៃ ជាលទ្ធផលទទួលបាន កម្ពុជា បានចំណាត់ថ្នាក់លេខ ១ , ប្រទេសថៃ បានចំណាត់ថ្នាក់លេខ ២ , ប្រទេសម៉ាឡេស៊ី ទទួលបានចំណាត់ថ្នាក់លេខ៣ ប្រទេសវៀតណាម ទទួលបានលេខ ៣ និងសាំងហ្គាពួរទទួលពានអនុស្សារីយ៍ នេះជាកិត្តិយសមួយដ៏ធំធេង សម្រាប់កីឡាករវាយសីនគរបាលជាតិកម្ពុជា ។
គួរបញ្ជាក់ថា ពានរង្វាន់នេះ បង្កើតឡើងក្នុងគោលបំណងរួមចំណែកលើកកម្ពស់វិស័យកីឡាក្នុងក្របខណ្ឌក្រសួងមហាផ្ទៃ សំដៅបណ្ដុះស្មារតីស្រលាញ់កីឡា និងជៀសឆ្ងាយពីគ្រឿងញៀន ព្រមទាំងរឹតចំណងសាមគ្គីភាព មិត្តភាព និងកិច្ចសហប្រតិបត្តិការលើវិស័យកីឡាជាមួយបណ្ដាក្លឹបកីឡាវាយសីយុវជនជានគរបាលប្រទេសនានាក្នុងតំបន់៕
