Manchester United ចុះហត្ថលេខាលើខ្សែការពារ២រូប ពី Bayern Munich

Manchester United ចុះហត្ថលេខាលើខ្សែការពារ២រូប ពី Bayern Munich

ក្លឹបបិសាចក្រហម Manchester United បានចុះហត្ថលេខាលើខ្សែការពារកណ្តាលសញ្ជាតិហូឡង់ Matthijs de Ligt និងខ្សែការពារសញ្ជាតិម៉ារ៉ុក Noussair Mazraoui ពីក្លឹបយក្សអាល្លឺម៉ង់ FC Bayern Munich។ នេះបើយោងតាមក្លឹប បិសាចក្រហម កាលពីថ្ងៃយប់អង្គារ។

បើតាមសេចក្ដីប្រកាសរបស់ក្លិប Matthijs de Ligt នឹងស្នាក់នៅ Old Trafford រហូតដល់ឆ្នាំ២០១៩ ខណៈ Noussair Mazraoui មានកិច្ចសន្យារហូតដល់ឆ្នាំ ២០១៨ ហើយអ្នកទាំង២ មានជម្រើសក្នុងការបន្តរយៈពេលមួយឆ្នាំបន្ថែមទៀត បន្ទាប់ពីចប់កុងត្រា។

ទោះបីជាយ៉ាងណាក៏ដោយ ព័ត៌មានលម្អិតនៃតម្លៃផ្ទេរនេះ មិនត្រូវបានបង្ហាញដោយក្លឹបទាំងពីរនោះទេ ប៉ុន្តែប្រព័ន្ធផ្សព្វផ្សាយរបស់អង់គ្លេស បានរាយការណ៍ថា Man United បានចំណាយលើអ្នកទាំងពីរ ប្រហែល តោលានផោន ដែលស្មើនឹង ៦៤,៣២ លានដុល្លារ។

ទាំង Matthijs de Ligt និង Noussair Mazraoui បានចាប់ផ្តើមអាជីពជាយុវជនរបស់ពួកគេ នៅក្រុម Ajax Amsterdam របស់ហូឡង់ ហើយបានតំឡើងមកលេងក្រុមឈុតធំ ក្រោមការដឹកនាំរបស់លោក Erik ten Hag ដែលជាអ្នកចាត់ការទូទៅរបស់ United បច្ចុប្បន្ន។

គួរបញ្ជាក់ថា De Ligt វ័យ ២៥ឆ្នាំ បានឈ្នះ Eredivisie ក្នុងរដូវកាល ២០១៨-១៩ ជាមួយ Ajax, ពានរង្វាន់ Serie A ក្នុងរដូវកាល ២០១៩-២០ ជាមួយ Juventus និង Bundesliga ក្នុងរដូវកាល ២០២២-២៣ ជាមួយ Bayern Munich។ ចំណែក Mazraoui វ័យ ២៦ឆ្នាំ បានចូលរួមជាមួយ Bayern ពី Ajax ក្នុងឆ្នាំ ២០២២ ហើយបានបង្ហាញខ្លួនចំនួន ៥៥ដង នៅគ្រប់ការប្រកួតទាំងអស់ ដោយឈ្នះ Bundesliga និង DFL-Supercup ក្នុងយុទ្ធនាការដំបូងរបស់គាត់៕