សម្តេចតេជោ ហ៊ុន សែន ៖ ការជួបជុំនៅថ្ងៃនេះបង្ហាញឱ្យឃើញពីការរីកចម្រើនជំនឿគ្រិស្តសាសនានៅកម្ពុជា ក្រោមម្លប់សន្តិភាព
![សម្តេចតេជោ ហ៊ុន សែន ៖ ការជួបជុំនៅថ្ងៃនេះបង្ហាញឱ្យឃើញពីការរីកចម្រើនជំនឿគ្រិស្តសាសនានៅកម្ពុជា ក្រោមម្លប់សន្តិភាព](https://ennasia.com/wp-content/uploads/2023/01/photo_2023-01-27_10-11-15.jpg)
សម្ដេចតេជោ ហ៊ុន សែន នាយករដ្ឋមន្ត្រីកម្ពុជា ថ្លែងអបអរសារទរ រីករាយចំពោះវត្តមាននៃសាសនាគ្រិស្ត ១០០ឆ្នាំនៅលើទឹកដីកម្ពុជា។
សម្តេចតេជោ ហ៊ុន សែន នាយករដ្ឋមន្ត្រីកម្ពុជា ថ្លែងបែបនេះ នៅព្រឹកថ្ងៃទី ២៧ ខែមករា ឆ្នាំ២០២៣ ក្នុងឱកាសអញ្ជើញជាអធិបតីក្នុងពិធីអបអរសាទរខួប១០០ឆ្នាំនៃគ្រិស្តសាសនា «មរតកដំណឹងល្អ ១០០ឆ្នាំ(១៩២៣-២០២៣)» នៅកម្ពុជា ដែលពិធីនេះធ្វើឡើងនៅបរិវេណមជ្ឈមណ្ឌលកោះពេជ្រ រាជធានីភ្នំពេញ។
សម្ដេចតេជោ ហ៊ុន សែន បានថ្លែងបន្តថា សាសនាគ្រិស្ត បានចូលមកកម្ពុជាដំបូងនៅក្នុងឆ្នាំ១៩២៣ ពេលវេលាដើរមកពេលនេះ គឺមានអាយុកាល ១០០ឆ្នាំហើយ បច្ចុប្បន្នមានសមាជិកសាសនានៅកម្ពុជាចំនួន ១១៤ ៤០២ នាក់បានចុះបញ្ជី។ នេះសបញ្ជាក់បានថា វត្តមានរបស់សាសនិកនៅលើទឹកដីកម្ពុជា ទើបមានការ ប្រារព្ធពិធីជួបជុំបាននៅថ្ងៃនេះ គឺជាការបង្ហាញឲ្យឃើញនូវការរីកចម្រើននៅជំនឿគ្រិស្តសាសនានៅកម្ពុជាក្រោមម្លប់សន្តិភាព៕