ក្រុមជម្រើសជាតិប៉ូឡូញ កំពុងធ្វើព្យុះភ្លៀងក្នុងពានរង្វាន់បាល់ទះពិភពលោក VNL 2025 ខណៈ ជប៉ុន ឈរលេខ ២
ក្រុមជម្រើសជាតិប៉ូឡូញ កំពុងធ្វើព្យុះភ្លៀងក្នុងពានរង្វាន់បាល់ទះពិភពលោក VNL 2025 ខណៈ ជប៉ុន ឈរលេខ ២
កិតត្រឹមមួយសប្តាហ៍ដំបូងនេះ ក្រុមបាល់ទះជម្រើសជាតិប៉ូឡូញ កំពុងតែធ្វើព្យុះធ្វើភ្លៀង ក្នុងព្រឹត្តិការណ៍បាល់ទះពិភពលោក FIVB Men’s Volleyball Nations League ឆ្នាំ២០២៥ ដោយបានក្លាយជាក្រុមតែមួយគត់ ដែលរក្សាភាពមិនចាញ់ក្នុង ៤ប្រកួតជាប់ៗគ្នា ពោលគឺឈ្នះទាំងអស់។
ជាក់ស្ដែង ការប្រកួតទី១ ប៉ូឡូញ បានយកឈ្នះ ហូឡង់ ដោយលទ្ធផល ៣-១, ការប្រកួតទី២ បានយកឈ្នះជើងខ្លាំងអាស៊ី គឺក្រុមបាល់ទះជប៉ុន ដោយលទ្ធផល ៣-១, ការប្រកួតទី៣ បានយកឈ្នះ តួកគី ដោយលទ្ធផល ៣-០ ខណៈការប្រកួតទី៤ បានយកឈ្នះ ស៊ែប៊ី ដោយលទ្ធផល ៣-០។ តាមរយៈជ័យជំនះទាំង៤ប្រកួត នេះ ប៉ូឡូញ រកបាន ១២ពិន្ទុពេញ និងស្ថិតនៅចំណាត់ថ្នាក់លេខ១ ក្នុងតារាង។
ចំណែកឯក្រុមដែល ឈ្នះ៣ ប្រកួត និងចាញ់១ មានចំនួន ៤ក្រុម ដែលរួមមានក្រុមបាល់ទះជម្រើសជាតិជប៉ុន ស្ថិតនៅលេខ២ ប្រេស៊ីល ស្ថិតនៅលេខ៣ អ៊ីតាលី ស្ថិតនៅលេខ៤ ខណៈស្លូវេនី ស្ថិតនៅលេខ៥។
តារាងចំណាត់ថ្នាក់៖
១.ប៉ូឡូញ មាន ១២ពិន្ទុ
២.ជប៉ុន មាន ៩ពិន្ទុ
៣.ប្រេស៊ីល មាន ៩ពិន្ទុ
៤.អ៊ីតាលី មាន ៨ពិន្ទុ
៥.ស្លូវេនី មាន ៨ពិន្ទុ
៦.អាល្លឺម៉ង់ មាន ៧ពិន្ទុ
៧.គុយបា មាន ៧ពិន្ទុ
៨.ហូឡង់ មាន ៦ពិន្ទុ
៩.ស៊ែប៊ី មាន ៥ពិន្ទុ
១០.ប៊ុលហ្ការី មាន ៥ពិន្ទុ៕
គួរបញ្ជាក់ថា ការប្រកួតសប្តាហ៍ទី២ គ្រោងធ្វើនៅថ្ងៃទី២៥ ខែមិថុនា ឆ្នាំ២០២៥ ដែលត្រូវផ្លាស់ប្តូរទឹកដីប្រកួតម្តង។ ដោយកាលពីសប្តាហ៍ទី១ នៅប្រទេសកាណាដា ខណៈសប្តាហ៍ទី២ នឹលេងនៅសហរដ្ឋអាមេរិក វិញម្តង។ ការប្រកួតវិលជុំ ផ្លាស់ប្តួរទឹកដីនេះធ្វើ៣សប្តាហ៍ ពោលគឺរហូតដល់ថ្ងៃទី២០ ខែកក្កដា ទើបចប់ ហើយជ្រើសរើសយក៨ក្រុមចុងក្រោយឡើងវគ្គខ្វែងនៅប្រទេសចិន ចាប់ពីថ្ងៃទី៣០ ខែកក្កដា ដល់ថ្ងៃទី៣ ខែសីហា ទើបរកឃើញជើងឯក៕
