Close

វត្តមានសត្វស្លាបជាច្រើនប្រភេទនៅក្នុងតំបន់អភិរក្សមួយកន្លែងនៅខេត្តព្រៃវែងក្លាយជាតំបន់ទាក់ទាញទេសចរណ៍

ដោយ៖ Chhan Sreyka ​​ | ថ្ងៃចន្ទ ទី៨ ខែកក្កដា ឆ្នាំ២០២៤ ព័ត៌មានជាតិ
វត្តមានសត្វស្លាបជាច្រើនប្រភេទនៅក្នុងតំបន់អភិរក្សមួយកន្លែងនៅខេត្តព្រៃវែងក្លាយជាតំបន់ទាក់ទាញទេសចរណ៍ វត្តមានសត្វស្លាបជាច្រើនប្រភេទនៅក្នុងតំបន់អភិរក្សមួយកន្លែងនៅខេត្តព្រៃវែងក្លាយជាតំបន់ទាក់ទាញទេសចរណ៍

ខេត្តព្រៃវែង៖ វត្តមានសត្វស្លាប ជាច្រើនប្រភេទមានទាំង ននាលខ្យង សត្វកុក សំបកទំពាំង និងសត្វផ្សេងៗជាច្រើនទៀត បានពពាក់ពពូនគ្នាមកសំងំរស់នៅ តំបន់ព្រៃអភិរក្សមួយកន្លែង ដែលមានឈ្មោះថាតំបន់អភិរក្ស ទំនប់ចាំក្កាន់ ស្ថិតនៅក្នុងភូមិអង្គារដី ឃុំព្រៃព្នៅ ស្រុកពារាំងខេត្តព្រៃវែង បានធ្វើឲ្យតំបន់មួយនេះក្លាយទៅជាតំបន់មួយពោរពេញភាពទាក់ទាញទេសចរណ៍ ទៅដោយ សោភណភាពស្រស់ស្អាតប្លែកបន្ថែមទៀត។

តាមសេចក្តីរាយការណ៍របស់សារព័ត៌មានCNC បញ្ជាក់ថា ជាមួយនឹងសំឡេងសត្វយ៉ាងកងបំពងនាពេលល្ងាច ដែលធ្វើឲ្យប្រជាពលរដ្ឋគាត់ធ្វើស្រែចម្ការនៅទីនោះ សប្បាយចិត្តដោយឃើញសត្វមករស់នៅច្រើន។
នេះគឺជាជម្រកថ្មីមួយទៀតសម្រាប់ហ្វូងសត្វស្លាបទាំងអស់នេះបន្ទាប់ពី តំបន់អភិរក្សបឹងស្នេហ៍ ទួលពាន់តាឡី ដែលមានសត្វ ជាច្រើនកំពុងតែរស់នៅទីនោះ ហើយសព្វថ្ងៃនេះសត្វស្លាបទាំងអស់នោះក៏បានមករស់នៅទីនេះខ្លះព្រោះថាទីនេះមានតំបន់អភិរក្សដែលមានព្រៃធំល្វឹងល្វើយដែល ដែលជាកត្តាមួយដ៏សំខាន់សម្រាប់ ហ្វូងសត្វទាំងអស់នេះមករស់នៅទីនេះប្រកបដោយសុវត្ថិភាព។

ក្នុងនោះផងដែរលោក លី សាមុត ដែលជាសមាជិកក្រុមប្រឹក្សាឃុំព្រៃព្នៅ ក៏បានមានប្រសាសន៍លើកឡើងថា សត្វនៅទីនេះមានច្រើន តែតាមការសង្កេតឃើញថាមានននាលខ្យងរស់នៅច្រើនជាគេ បន្ទាប់មកក៏មានសត្វដូចជាកុក ខ្វៃ ក្អែកទឹក និងសត្វផ្សេងៗជាច្រើនទៀតដែលរស់នៅទីនេះផងដែរ។

ហើយក្នុងនោះលោកក៏បានបន្ថែមទៀតថា ឃុំ នឹងបន្តខិតខំយកចិត្តទុកដាក់ធ្វើយ៉ាងណាអភិរក្សទីតាំងមួយឲ្យមានសុវត្ថិភាពខ្ពស់បន្ថែមទៀតធ្វើយ៉ាងណាដើម្បីឲ្យសត្វដែលរស់នៅទីនេះប្រកបដោយសុវត្ថិភាព និងអាចឈានទៅដល់ការទាក់ ទាញភ្ញៀវទេសចរមកលេងកម្សាន្តនៅពេលខាងមុខនោះផងដែរ។

មិនត្រឹមតែក្រុមប្រឹក្សាឃុំប៉ុណ្ណោះទេ លោកមេប៉ុស្តិ៍ដែលប្រចាំការនៅក្នុងឃុំព្រៃព្នៅនោះក៏បានយកចិត្តទុកដាក់ខ្នះខ្នែងក្នុងការខិតខំថែរក្សាសត្វទាំងអស់នេះផងដែរដោយលោកតែងតែព្យាយាមចុះពិនិត្យនិងសង្កេត ស្ទើរតែរៀងរាល់ល្ងាចនៅតំបន់មួយនេះធ្វើយ៉ាងណាដើម្បីការពារកុំឲ្យមានប្រជាពលរដ្ឋគាត់ចូលបបាញ់សត្វនៅទីនេះតែធ្វើបង្កឲ្យមានការរំខានដល់ការរស់នៅរបស់សត្វទាំងអស់នេះផងដែរ៕

អត្ថបទទាក់ទង