មេដឹកនាំប៉ាឡេស្ទីនអំពាវនាវដល់ក្រុម Hamas ឱ្យមានកិច្ចព្រមព្រៀងបទឈប់បាញ់ពេញលេញជាមួយអ៊ីស្រាអែលឱ្យបានឆាប់រហ័ស
មេដឹកនាំប៉ាឡេស្ទីនអំពាវនាវដល់ក្រុម Hamas ឱ្យមានកិច្ចព្រមព្រៀងបទឈប់បាញ់ពេញលេញជាមួយអ៊ីស្រាអែលឱ្យបានឆាប់រហ័ស
បរទេស៖ លោក Mahmoud Abbas មេដឹកនាំប៉ាឡេស្ទីន ដែលគ្រប់គ្រងផ្នែកខ្លះនៃតំបន់ West Bank ដែលកំពុងកាន់កាប់ដោយអ៊ីស្រាអែល បានអំពាវនាវឱ្យគូប្រជែងនយោបាយរបស់លោក នៅក្នុងក្រុម Hamas ឱ្យមានកិច្ចព្រមព្រៀងបទឈប់បាញ់ពេញលេញជាមួយអ៊ីស្រាអែលឱ្យបានឆាប់រហ័ស។
ការអំពាវនាវរបស់លោក Abbas ធ្វើឡើងស្របពេលដែល អ្នកសម្រុះសម្រួលអន្តរជាតិបាននិងកំពុងព្យាយាមធ្វើអន្តរការីលើកិច្ចព្រមព្រៀងមួយដែលតម្រូវឱ្យក្រុមហាម៉ាសដោះលែងចំណាប់ខ្មាំងដែលខ្លួនកំពុងចាប់ជាឈ្លើយសឹកនៅតំបន់ហ្គាហ្សាជាថ្នូរនឹងការផ្អាកក្នុងការប្រយុទ្ធ និងការដោះលែងអ្នកជាប់ឃុំប៉ាឡេស្ទីនដែលកាន់កាប់ដោយអ៊ីស្រាអែល។ ទោះជាយ៉ាងណា ភាគីទាំងពីរមិនអាចយល់ព្រមលើលក្ខខណ្ឌនៃកិច្ចព្រមព្រៀងនេះទេ។
ប្រធានាធិបតីប៉ាឡេស្ទីនលោក Abbas ដែលមិនមានប្រជាប្រិយភាពខ្លាំងក្នុងចំណោមប្រជាជនប៉ាឡេស្ទីនសូម្បីតែនៅតំបន់ West Bank កាលពីថ្ងៃពុធបានជំរុញឱ្យក្រុម Hamas មានកិច្ចព្រមព្រៀងបទឈប់បាញ់ពេញលេញ និង ទុកប្រជាជនប៉ាឡេស្ទីនពីគ្រោះមហន្តរាយមួយផ្សេងទៀតជាមួយនឹងផលវិបាកដ៏អាក្រក់ជាង សង្ក្រាម Nakba នៅក្នុងឆ្នាំ 1948″ ។ .
មេដឹកនាំអ៊ីស្រាអែលមួយចំនួនបានអំពាវនាវឱ្យមាន “ការផ្ទេរដោយស្ម័គ្រចិត្ត” នៃប្រជាជនប៉ាឡេស្ទីនមួយចំនួនធំពីតំបន់ហ្គាហ្សា ដោយបង្កើនការភ័យខ្លាចក្នុងចំណោមប្រជាជនប៉ាឡេស្ទីន និងសមាជិកសហគមន៍អន្តរជាតិថា នេះអាចនាំឱ្យមានការបណ្តេញចេញយ៉ាងច្រើន។
នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយថា ការអត្ថាធិប្បាយនេះ មិនឆ្លុះបញ្ចាំងពីគោលនយោបាយផ្លូវការនោះទេ។ ក្រុមហាម៉ាសបានបណ្តេញអាជ្ញាធរប៉ាឡេស្ទីនដែលទទួលស្គាល់ជាអន្តរជាតិចេញពីតំបន់ហ្គាហ្សាឆ្នាំ 2007 ។ លោក Abbas ស្វែងរកការស្ដារការគ្រប់គ្រងរបស់លោក លើតំបន់ Gaza បន្ទាប់ពីសង្គ្រាម ប៉ុន្តែគ្រាន់តែជាផ្នែកនៃផែនការទូលំទូលាយដែលរួមបញ្ចូលការបង្កើតរដ្ឋប៉ាឡេស្ទីនឯករាជ្យមួយ។
លោក Abbas បានចោទប្រកាន់អ៊ីស្រាអែលថា “ធ្វើសង្រ្គាមបើកចំហនៅលើតំបន់ហ្គាហ្សាស្ទ្រីប” និងបានជំរុញឱ្យខ្លួនមិនឱ្យដាក់ឧបសគ្គចំពោះកិច្ចព្រមព្រៀងមួយ។ “អ្វីៗមិនអាចអត់ឱនបានទៀតទេ ហើយវាដល់ពេលដែលមនុស្សគ្រប់គ្នាត្រូវទទួលខុសត្រូវហើយ”៕
